Átakið TRYGGARI Á NETINUM
SSP og Dátueftirlitið hava gjørt avtalu um at samstarva um trygd á
netinum í fólkaskúlunum í 2012.
Elektroniskir samskiftismiðlar eru vorðnir ein partur av gerandisdegnum
hjá børnum og ungum. Fartelefonin og internetið eru komin fyri at verða,
og tú kanst eins væl taka í hondina á barninum og leiða tað gjøgnum
vandarnar á netinum.
Evnið er elektroniskt samskifti hjá børnum, og endamálið er at læra tey at
ferðast tryggari á internetinum, læra tey at verja sínar upplysingar og sítt
privatlív og annars, hvar markið er fyri, hvat er loyvt og ikki loyvt at gera á
netinum.
Úrslitið av samstarvinum er, at 4. flokkar kring landið í januar og fram til
7. februar 2012 arbeiða við evninum TRYGGARI Á NETINUM.
Átakið, ið bæði vendir sær til børn og foreldur, er upptakt til trygga
internetdagin 7. februar 2012, ið Dátueftirlitið skipar fyri.
Eisini verður skipað fyri kapping, har flokkarnir kappast um at gera 5 góð
ráð um góðar vanar ella gott vinarlag á netinum. Ráðini kunnu venda sær
til børn, foreldur ella onnur og skulu snúgva seg um, hvussu ein kann
ferðast tryggari á netinum. Vinnandi flokkurin sleppur at bowla í 1 tíma við
tilhoyrandi matskrá á lokala bowling staðnum.
Undirvísingartilfarið, ið nýtt verður, er bóklingurin „TAÐ ER TÍN
AVGERÐ 2“ og „SAMSPÆLIГ.
SSP er samstarv millum skúla, sosialar myndugleikar og politi
