Kvívíkar kommuna vil við hesum heita á hundaeigarar í kommununi um at fylgja løgtingslóg nr. 82 frá 19. juni 1990 um hundar.
Smb.§ 3 í hesi lóg, er ikki loyvt at hava hund gangandi leysan á gøtu, vegi, breyt ella øki o.t., sum eru opin fyri vanligari ferðslu, uttan so at hann er havdur í bandi ella er við fólki, sum hevur fult ræði á honum. Hundur kann ikki sigast at hava ein leiðara, bert tí hann er undir eftirliti frá ánarans húsum ella vinnustaði. Verður hundur havdur í bandi, skal tað vera so stutt, at leiðarin hevur hann tætt inn at sær.
Eisini vil kommunan heita á hundaeigarar um at taka skarn upp eftir egnum hundum
